काठमाडौं । फिल्म ‘बेबी आई लभ यू’ को ट्रेलर सार्वजनिक भएको छ । फिल्ममा लभ स्टोरीको विषयलाई समाबेस गरिएको छ ।
लिची इन्टरटेन्मेन्ट प्रा.लि.को ब्यानरमा निर्माण भएको फिल्म ‘बेबी आई लभ यू’ फरक धारमा रहेर लभ स्टोरीको विषयलाई लिएर निर्माण गरिएको छ। फिल्ममा सन्तोष खड्गी र पूजा तिवारी मुख्य भूमिका छन् ।उनीहरुसँगै अभिनेता सरोज खनाल र कलाकार निर्मल शर्माको पनि मुख्य भूमिका छन् ।
राजु कमेडी ‘रेन्बो’, रेशम श्रेष्ठ, अप्सन पन्थी, बिमल गिरी र किरण के. शर्मालगायत लगायतका कलाकारहरुले अभिनय गरेका छन् । फिल्ममा शिव न्यौपानेको लगानी रहेको छ भने जनक पाण्डेको निर्देशनमा बनेको फिल्ममा सह–निर्माता सिर्जना परियार र दुर्गा पाण्डे रहेका छन् । फिल्मको कथा र संगीत नायक खड्गीको आफ्नै रहेको छ ।
फिल्मको छायाँकन मुस्ताङ, पोखरा र राजधानीमा गरिएको छ । काटुञ्ज क्रु फिचरिङ फिल्ममा समावेश ‘कान्छी मायालु’ बोलको गीत सार्वजनिक भैसकेको छ । फिल्म जेठ १८ गतेबाट देशभर प्रर्दशनमा आउनेछ ।
यो समाचार नयुज २४ नेपालबाट लिईएको हो।
