काठमाडौं/एजेन्सी । अभिनेता रणवीर सिंह र अभिनेत्री आलिया भाटले फिल्म ‘गल्ली ब्वाई’मार्फत सबै दर्शकहरुको मन जित्न सफल बनेका छन् । जोया अख्तारको निर्देशनमा बनेको यो फिल्मले बक्स अफिसमा राम्रो ब्यापार गरेको थियो । यसरी आलिया र रणवीरको जोडीलाई पर्दामा दर्शकहरुले रुचाइसकेपछि पुनः एक पटक ठूलो पर्दामा देखिने भएका छन् । उनीहरु करण जोहरको फिल्म नयाँ प्रोजेक्ट ‘तख्त’मा सँगै देखिन लागेका हुन् ।
यो जोडीलाई पुनः पर्दामा हेर्न दर्शकहरु आतुर छन् । समाचारमा आएअनुसार यो जोडीले तेस्रो प्रोजेक्टमा पनि साइन गराइएको छ । सो फिल्म एक चर्चित ब्यानरमा बन्ने बताइएको छ । तर, यो फिल्मसँग जोडिएको अन्य जानकारी भने गराइएको छैन ।
करण जोहरको निर्देशनमा बन्दै गरेको फिल्म ‘तख्त’ मल्टीस्टारर् फिल्म हो । यो फिल्ममा रणवीर र आलियाको अलवा अनिल कपूर, जाह्नवी कपूर, करिना कपूर, भूमी पेड्नेकर र विक्की कौशलको मूख्य भूमिका रहनेछ ।
यो समाचार नयुज २४ नेपालबाट लिईएको हो।
