काठमाडौं, ५ चैत । चलचित्र ‘२ नम्बरी’को छायांकन कोरोना महामारीको कारण पुरा हुन सकेको छैन ।
गत वर्षको चैत्रमा छायांकनमा गएको चलचित्र ‘२ नम्बरी’को छायांकनको कोरोना महामारीले गर्दा लकडाउन भएपछि काम रोकिएको थियो । हाल चलचित्रको निर्माणपक्षलाई छायांकनको लागि सेड्यूल मिलाउन नै धौ धौ परिरहेको बताइएको छ ।
चैत्रको दोश्रो साताबाट छायांकनमा जाने भनिएको चलचित्र अब भदौमा पुगेको जनाइएको छ । यस चलचित्रकी भुटानी अभिनेत्री उगेन छोदेन तत्काल नेपाल आउने संभावना नभएको र अर्कोतिर, नायक दयाहाङ राइको पनि समय मिलाउन गाह्रो भएको छ ।
राइ ‘बिहे पास र कबड्डी ४’का लागि समय दिन तयार भएका छन् । यो चलचित्र दिपेन्द्र लामाको निर्देशनमा बनिरहेको छ । चलचित्रमा नायक पल शाह र नायिका वर्षा राउतको पनि मुख्य भूमिका छ ।
यो समाचार नयुज २४ नेपालबाट लिईएको हो।
