काठमाडौं, ५ चैत । गायक सुशिल श्रेष्ठ ‘जुजु’को नयाँ गीत ‘माइतीको आँगन’ सार्वजनिक भएको छ । बैंशालु उमेरमा जानेर–नजानेर प्रेम गर्ने एक जोडी प्रेम रोमान्समा डुबेको कथा गायक श्रेष्ठको गीतमा देख्न सकिन्छ ।
दीपक शर्माको शब्द संगीत सिर्जनामा तयार पारिएको उक्त गीतमा पछिल्लो उषा उप्रेती र बिनोद बस्नेतको जीवन्त अभिनय देख्न सकिन्छ । आचार्य गोपालको निर्देशनमा तयार भएको भिडियोमा प्रेमीले रमाइलो गर्दै जिन्दगी जिउने, लामो समय माइती घरमा बस्न नहुने बताउँदै आफ्नो प्रेमिकालाई फकाएको दृश्य निकै रोमान्टिक छ ।
प्रेमीले दोबाटोमा प्रेमिकालाई कुरेर बसेको र उडेर आउन गरेको आग्रहलाई उषा उप्रेतीले सहर्ष स्वीकारेकी दृश्य रोमान्टिक छ ।
रोमान्टिक जन्रामा ब्यंग्यात्मक शैलीमा तयार पारिएको भिडियोमा दिदीको प्रेमको सुइको पाएका भाईले दिदीलाई प्रेमी पाउन गरेको सहयोगलाई पनि निर्देशक आचार्य गोपालले कलात्मक शैलीले प्रस्तुत गरेका छन् ।
[embedded content]
उदयराज पौडेलको एरेन्ज रहेको गीतमा उषा र बिनोदका अलावा काजी बहादुर श्रेष्ठ, आयुष रिजाल, जीवन तामाङ, कान्छी नगरकोटीको अभिनय देख्न सकिन्छ । उत्सब दाहालको छायाङकन रहेको गीतको कलर र सम्पादन विकाश दाहालको रहेको छ ।
पछिल्लो समयका चर्चित निर्देशक प्रकाश धिताल क्रियटिभ निर्देशक रहेको गीतको निर्माताका रुपमा सरोज श्रेष्ठ रहेका छन् । गायक ‘जुजु’को यसअघि ‘सुनन’ बोलको गीतले चर्चा कमाएको थियो ।
यो समाचार नयुज २४ नेपालबाट लिईएको हो।
