काठमाडौं, ७ चैत । नायक पुष्प खड्का, नायिका श्रद्धा क्षेत्रीको मुख्य भूमिका रहेको चलचित्र ‘कृष्ण लीला’को ट्रेलर सार्वजनिक गरिएको छ ।
यो चलचित्रलाई दीपक ओलीले निर्देशन गरेका छन् । लक्ष्मण सुवेदीको लेखन रहेको चलचित्रमा प्रकाशराज कार्की र केबल तामाङले लगानी गरेका हुन् ।
चलचित्रमा पिताम्बर आचार्य र रोजन श्रेष्ठ सह–निर्माताको रुपमा रहेका छन् । आरआर फिल्म प्रोडक्शनको ब्यानरमा निर्माण भएको चलचित्रमा शिव ढकालको छायांकन छ भने, अर्जुन पोखरेलको संगीत, रामजी लामिछानेको कोरियोग्राफी, श्रीको एक्सन छ ।
चलचित्रमा प्रेम, विछोड, सस्पेन्सलाई प्रस्तुत गरिएको छ । पुष्प र श्रद्धाका साथमा कलाकारहरु रविन्द्र झा, वुद्दि तामाङ, नविन रेग्मी, भावना गुरुङ लगायतलाई देख्न सकिन्छ ।
चलचित्रको ट्रेलरमा कृष्ण र लीलाको प्रेममा आउने उतारचढावलाई प्रस्तुत गरिएको छ । चलचित्र चैतको २७ गतेबाट रिलिज हुन लागेको छ ।
[embedded content]
यो समाचार नयुज २४ नेपालबाट लिईएको हो।
