काठमाडौं, २१ चैत । पिच रोड र ‘घाममा सुकाइदेउ’ जस्ता चर्चित गीतको युगल गायनमा सफल मानिएको जोडी समिर आचार्य र विद्या तिवारीको नयाँ गीत ‘भात खाएर हो’ सार्वजनिक भएको छ ।
समिरकै शब्द, संगीत र श्यामस्वेत रसाइलीको एरेन्ज रहेको गीतको भिडियोमा अष्ट्रेलियामा रहेको चर्चित डान्स क्रु ‘द नेक्ट’को दमदार नृत्य रहेको छ ।
अष्ट्रेलियामा बसेर आफ्नो सांगीतिक करिअरलाई अगाडि बढाइरहेका गायक समिर र गायिका विद्याको यसअघिको गीतले राम्रो चर्चा पाइसकेका छन् ।
‘द नेक्ट’को युट्युब च्यानलबाट शुक्रबार सार्वजनिक गरिएको भिडियोलाई एस स्टडी वर्ल्डले निर्माण गरेको हो । एस स्टडी वर्ल्डले यसअघि पनि राम्रा राम्रा गीतहरुको म्युजिक भिडियोको निर्माण गर्दै आइरहेको छ र यसलाई आगामी दिनमा पनि निरन्तरता दिइने एसका निर्देशक बिष्णु नेपालले जानकारी दिए ।
बिगत लामो समयदेखि एस स्टडी वर्ल्डले अस्ट्रेलिया लगायत विश्वभर उच्च शिक्षा अध्ययन गर्न जान चाहने बिद्यार्थीहरुलाई त्यहाको शिक्षा र अध्यागमन (इमिग्रेसन) सम्बन्धी यथार्थ जानकारी दिदै आइरहेको छ ।
यो समाचार नयुज २४ नेपालबाट लिईएको हो।
