काठमाडौं । कोरोना महामारीका कारण समस्या परेका फिल्म प्राविधिकहरुलाई सदाबहार अभिनेत्री करिश्मा मानन्धरले खाद्यान्न सामग्री सहयोग गरेकी छन् । अभिनेत्री मानन्धरले आफ्नै उपस्थितिमा समस्यामा परेका ३० जना प्राविधिकहरुको परिवारलाई खाद्यान्न सामग्री सहयोग गरेकी हुन् ।
अभिनेत्री मानन्धरले चलचित्र प्राविधिक संघको सहकार्यमा चामल, दाल, नुन, तेल, खाना पकाउने ग्याँसलगायत सहयोग गरेकी हुन् । खाद्यान्न सामग्री हस्तान्तरण गर्दै अभिनेत्रीले समस्यामा परेका प्राविधिकहरुलाई सबैले सहयोग गर्न अपील पनि गरेकी छन् ।
त्यस्तै, चलचित्र प्राविधिक संघका अध्यक्ष पुष्कर लामाले पनि कोरोना महामारीका कारण सबै भन्दा बढी प्राविधिकहरु समस्या परेको बताउँदै सहयोगका लागि अपील गरेका छन् ।
यो समाचार नयुज २४ नेपालबाट लिईएको हो।
