काठमाडौं । जीपी तिमिल्सिनासँगको डिभोर्सको लामो समयपछि पूर्वमिस नेपाल उषा खड्गी म्युजिक भिडियोमा देखिएकी छिन । खड्ग भट्टराईको शब्द र लोकप्रिय गायक विश्व नेपालीको स्वरमा रहेको गीत ‘घात गर्दा’को भिडियोमा उषा खड्गीको साथमा रामहरी खड्काको अभिनय रहेको छ।
निरोज लामाको संगीत रहेको ‘घात गर्दा’मा उषा र रामहरीलाई अभिनयमा आरुष केसी र दिपिशा कोइरालाले साथ् दिएका छन् ।अहिलेको नेपाली समाजको यथार्थ अवस्थालाई चित्रण गरिएको भिडियो स्वयं मोडेल उषा खड्गीको जीवनमा मेल खाने किसिमको छ ।
[embedded content]
लामो समयसम्म टेलिभिजन मिडियामा कार्यक्रम निर्माता, निर्देशक भएर काम गरिसकेका रामहरी खडकालाई मोडलको रुपमा पनि उतिकै अब्बल देखिएका छन् ।
नेपाली म्युजिक भिडियो क्षेत्रका चर्चित युवा निर्देशक नितिन चन्दको निर्देशनमा बनेको भिडियोलाई ‘हाइलाइटस नेपाल’को यूट्युब च्यानलमार्फत् सार्वजनिक गरिएको हो ।
भिडियोलाई कनेक्सन एजुकेसनल इन्स्टिट्यूसनद्वारा निर्माण गरेको हो । उक्त भिडियो सांगीतिक भिडियो मात्र नभई पछिल्लो समाजको यथार्थ र मानवीयताको झल्को दिने एउटा सानो प्रयास भएको बताइएको छ ।
यो समाचार नयुज २४ नेपालबाट लिईएको हो।
