सुर्खेत । पपगायक सुजन ढकालले जन्मदिन मनाउन गरिने फजुल खर्चलाई कटाएर कर्णाली प्रदेशको राजधानी वीरेन्द्रनगरमा रहेको ‘साझा घर नेपाल’लाई आर्थिक सहयोग गरेका छन् ।
‘मानवताको सेवा जीवनको सर्वोत्तम कार्य हो’ भन्ने आस्थाका कारण आफूले सानो भएपनि सहयोग पुगोस् भन्ने उद्देश्यका साथ ‘साझा घर नेपाल’लाई सहयोग गरेको गायक सुजनले जानकारी दिए ।
असहाय तथा अभिभावकविहीन बालबालिकाहरुको अभिभावकको भूमिका निभाउदै आएको ‘साझा घर नेपाल’लाई गायक सुजनले रु ६ हजार ६ सय ६ रुपैयाको आर्थिक सहयोग गरेका हुन् ।
बिगत ५ बर्षदेखि आफ्नो जन्मदिनको अवसर पारेर विभिन्न सामाजिक संथालाई सहयोग गर्दै आएका गायक सुजनले गत वर्ष नेपालगन्जमा रहेको असहाय, अशक्त र जेष्ठ नागरिकको हेरचाह गर्ने सस्था ‘निलसागर’ र ‘मानव सेवा आश्रम’ सुर्खेतलाई विभिन्न खाद्य र स्वास्थ्य सम्बन्धी सामग्रीहरु सहयोग गरेका थिए ।
यो समाचार नयुज २४ नेपालबाट लिईएको हो।
