काठमाडौं । चलचित्र ‘सिल्ली फो’ मा अभिनेत्री केकी अधिकारी मुख्य भूमिका रहने भएकी छन् । चलचित्र राजबहादुर सानेको लेखन तथा निर्देशनमा बन्न लागेको हो ।
४ बदमास मानिसको कथामा बन्न लागेको चलचित्रमा केकीका अलावा राजाराम पौडेल, रविन्द्र झा, दिनेश रेग्मी, दीपक थापा, अनिथा श्रेष्ठ, चन्द्र पोखरेल, अनिता लामिछाने, भुगोल कार्की, रमेश बजगाइँ, सरस्वती रामजाली मगर, सागर विष्ट, कुशल बोहोरा, गोपाल विक, राजकुमार सापकोटा, छत्रेश्वरप्रसाद शर्मा लगायतका कलाकारको अभिनय रहने जनाइएको छ ।
रुद्र खनाल प्रस्तुतकर्ता रहेको चलचित्रको निर्मातामा मनोज डिक, दिव्यराज सुवेदी छायाँकार, पुरुषोतम न्यौपानेको संगीत, रामजी लामिछानेको कोरियोग्राफी रहने छ ।
निर्माण युनिटका अनुसार चलचित्रको छायांकन मंसिर १ बाट सुरु हुने भएको छ।
यो समाचार नयुज २४ नेपालबाट लिईएको हो।
