एजेन्सी । मेक्सिकन अभिनेत्री एवं गायिका तानिया मेन्डोजाको हत्या गरिएको छ । बीबीसीका अनुसार गत मंगलबार कोएरनाभाकास्थित एक फूटबल एकेडेमी बाहिर उभिएकी अभिनेत्री तानियाको गोली हानी हत्या गरिएको हो ।
आफ्नो ११ वर्षीय छोरालाई पर्खिरहेकी अभिनेत्री तानियामाथि मोटरसाइकलमा आएका दुई जना हतियारधारीले गोली प्रहार गरी फरार भएका थिए । हतियारधारीले अभिनेत्री तानियालाई लक्षित गरी ५–६ राउड गोरी फायर गरेका गरेका बीबीसीले जनाएको छ ।
त्यहाँको सरकारी अधिकारीको तथ्याङ्क अनुसार पछिल्लो वर्षहरुमा दैनिक कम्तिमा १० जना महिलाहरुको हत्या हुने गरेको छ । अभिनेत्री तानियाको हत्याबारे मेक्सिकन प्रहरीले अनुसन्धान गरिरहेको छ ।
त्यसोत यस अगाडि सन् २०१० मा श्रीमान र छोरासहित अभिनेत्री तानिया अपहरणमा परेकी तिइन् । त्यसपछि पनि अभिनेत्री तानियाले आफूमाथि ज्यान मार्ने धम्की आइरहेको भन्दै प्रहरीमा उजुरीसमेती दिएकी अन्तर्राष्ट्रिय सञ्चार माध्यमहरुले उल्लेख गरेका छन् ।
४२ वर्षीया अभिनेत्री तानियाले सन् २००५ बाट फिल्म ‘ले मिरा डेल सुर’बाट आफ्नो करियरको सुरुवात गरेकी थिइन् । पछिल्लो समयदेखि उनी गायन क्षेत्रमा पनि सक्रिय थिइन् । तानियाले पाँच एल्वम सार्वजनिक गरिसकेकी थिइन् ।
यो समाचार नयुज २४ नेपालबाट लिईएको हो।
