काठमाडौं । कलाकार सिर्जना सुब्बा, श्याम राई, दिनेश गुरुङ, राम गुरुङ, टेकराज लंघाली लगायतको अभिनय रहेको फिल्म ‘फुर्वाः द नेचर गाइ’ युट्युबमा सार्वजनिक भएको छ । वाई के फिल्मसको प्रस्तुतिमा निर्देशक युगल पोमो लिम्बुले निर्देशन गरेको चलचित्रमा कथा पनि निर्देशकको नै रहेको छ ।
मुलधारको चलचित्र भन्दा अलि फरक हिमाली भेगको जन जीवनलाई चित्रण गरिएको मौलिक शैलीमा निर्माण गरिएको फिल्म ‘नेचर गाइ’लाई प्राकृति सुन्दरताले भरिपूर्ण उत्तरी धादिङको रुबीभ्यालीमा छायाङ्कन गरिएको हो ।
विभिन्न राष्ट्रिय तथा अन्तर्राष्ट्रिय फिल्म फेस्टिबलमा समेत प्रदर्शन भएर विभिन्न विधामा अब्बल भएको फिल्ममा दिप्त प्रकाश कश्यपको पटकथा, मिन कुमार बिस्टको पार्स्व संगीत, जानु काम्बाङ लिम्बुको गीतलेखन रहेको ‘नेचर गाइ’मा टेकराज लंघालीको मुख्य सहायक निर्देशन र अमृत मरहठ्ठाको मेकअप रहेको छ ।
फिल्ममा बुद्ध थापाको छायांकन, अनिल कुमार महर्जनको सम्पादन, बिक्रम राइको स्वर र संगीत रहेको छ । श्याम इंगनाम, रेजिना सावा र हिम सिंघक निर्माता रहेको चलचित्रमा हेमराज अनछङ्बो र लोकराज आङ्बुहाङ कार्यकारी निर्माता रहेका छन् ।
यो समाचार नयुज २४ नेपालबाट लिईएको हो।
