काठमाडौं । बलिउड फिल्म उद्योगमा आफ्नो पहिचान बनाउनका लागि साउथका केही स्टारहरु चाँडै आउने भएका छन् । यसरी साउथका स्टारहरु बलिउडमा इन्ट्री गरिरहँदा बलिउडका ठूला स्टारहरूको सिंहासन के होला भन्ने सबैको मनमा कौतुहलता छ ।
बलिउडमा क–कसले इन्ट्री गर्दैछन् ?
नागा चैतन्य : साउथका स्टार नागा चैतन्यले फिल्म ‘लाल सिंह चड्ढा’बाट बलिउडमा डेब्यू गर्दैछन् । आमिर खानको यो फिल्ममा करिना कपूर पनि मुख्य भूमिकामा छिन् । यो फिल्म १४ अप्रिल २०२२ मा रिलिज हुनेछ ।
प्रियमणी : अभिनेत्री प्रियमणी फिल्म ‘मैदान’बाट बलिउडमा इन्ट्री गर्ने भएकी छन् । यसमा अजय देवगन मुख्य भूमिकामा रहनेछन् । उनी फुटबल प्रशिक्षकको भूमिकामा देखिने बताइएको छ । यो फिल्म ३ जुन २०२२ मा रिलिज हुँनेछ ।
विजय देवरकोंडा : ‘अर्जुन रेड्डी’स्टारर् विजय देवरकोंडा फिल्म ‘लिगर’बाट बलिउडमा प्रवेश गर्दैछन् । यो फिल्ममा उनीसँगै अनन्या पाण्डे मुख्य भूमिकामा देखिने छिन् । फिल्मको टिजरसमेत रिलिज भइसकेको छ । जहाँ विजय खतरनाक लडाकुको रुपमा देखिएका छन् ।
विजय सेतुपति : विजय सेतुपति फिल्म ‘मेरी क्रिसमस’मा कट्रिना कैफको अपोजिटमा देखिने भएका छन् । यो फिल्मलाई श्रीराम राघवनले निर्देशन गर्दैछन् । यस बाहेक विजय फिल्म मुम्बइकरको पनि हिस्सा हुनेछन् ।
नयनतारा : नयनतारा बलिउड सुपरस्टार शाहरुख खानको फिल्मको हिस्सा बन्ने भएकी छन् । फिल्मलाई साउथका चर्चित निर्देशक ‘एटली’ले निर्देशन गर्नेछन् ।
रश्मिका मन्डन्ना : साउथकी चर्चित अभिनेत्री रश्मिका मन्डन्ना पनि फिल्म ‘मिशन मजनु’बाट बलिउडमा डेब्यु गर्दै छिन् । यस फिल्ममा उनीसँग सिद्धार्थ मल्होत्रा मुख्य भूमिकामा हुनेछन् ।
यो समाचार नयुज २४ नेपालबाट लिईएको हो।
