काठमाडौं । ‘घरबार’, ‘माया गर्छु है’ जस्ता कैयौँ हिट गीतकी लोकप्रिय गायिका बिन्दु परियारको स्वरमा रहेको नयाँ गीत ‘मायाको भोको’को म्युजिक भिडियो सार्वजनिक गरिएको छ ।
बिन्दुलाई मदन थापाले स्वरमा साथ दिएका सार्वजनिक गीतको भिडियोमा पछिल्लो समयका चर्चित हाँस्य कलाकारद्वय सागर लम्साल ‘बले’ र हरि निरौला ‘कक्रोज’को साथमा ट्विन्स दिदी बहिनी समारिका र स्मारिका दाहालको अभिनय देख्न सकिन्छ ।
मदन थापाकै शब्द र संगीत रहेको गीतको एरेञ्ज पवन भट्टको रहेको छ । राजिव समरको निर्देशन रहेको भिडियो पछिल्ला दिनमा युवा पुस्ताहरुमाझ निकै नै लोकप्रिय बन्दै गइरहेको छ ।
यो समाचार तयार पार्दासम्म सार्वजनिक भिडियोलाई ५ लाख बढी दर्शकले हेरिसकेका छन् ।
यो समाचार नयुज २४ नेपालबाट लिईएको हो।
