काठमाडौं । अभिनेत्री स्वस्तिमा खड्काको आगामी फिल्म ‘चिसो मान्छे’को फस्टलूकसँगै नयाँ रिलिज मिति सार्वजनिक गरिएको छ । निर्माण पक्षका अनुसार अब यो फिल्म आगामी वर्षको असार ३ गतेबाट दर्शकमाझ प्रदर्शनमा आउने भएको छ ।
त्यसोत, निर्माणपक्षले आगामी वैशाख ३० गतेलाई ‘चिसो मान्छे’को प्रदर्शन मिति तय गरेको थियो । तर, उक्त मितिमा स्थानीय निर्वाचन हुने भएपछि फिल्मको रिलिज मिति पर सारिएको हो ।
‘पशुपति प्रसाद’फेम दीपेन्द्र के खनालको लेखन, छायांकन तथा निर्देशनमा तयार भएको ‘चिसो’ले चिसा मानिसहरुको कथालाई पर्दामा प्रस्तुत गर्नेछ । यो फिल्ममा अभिनेत्री स्वस्तिमा खड्का र अर्पण थापा मुख्य भूमिकामा छन् । फिल्ममा स्वस्तिमा फरक भूमिकामा देखिदै छन् ।
सार्वजनिक फस्टलूकमा स्वस्तिमा जुम्ली महिलाको गेटअपमा देखिएकी छन् । त्यसोत, ‘बुलबुल’ फिल्ममा फरक भूमिका निर्वाह गरेर दर्शकहरुको राम्रो साथ पाएकी स्वस्तिमाको ‘चिसो मान्छे’ लुकले थप चर्चा बटुलिरहेकी छन् । फिल्मलाई शर्मिला पाण्डेले निर्माण गरेकी हुन् ।
यो समाचार नयुज २४ नेपालबाट लिईएको हो।
