काठमाडौं । अमेरिकामा रहेर पनि नेपाल र नेपाली गीत संगीतलाई असाध्यै माया गर्ने गीतकार तथा संगीतकार येदीन गजमेरको नयाँ गीत ‘यो तन तिम्रै, यो मन तिम्रै’को भिडियो सार्वजनिक भएको छ ।
येदीन गजमेरको शब्द संगीत रहेको गीतमा संगीत संयोजन सञ्जिव बराइलीको रहेको छ, भने आवाज रचना रिमाल र निशान भट्टराईको रहेको छ । युवराज वाइबाको निर्देशन रहेको गीतको भिडियोमा मोडलद्वय महेश खड्का र रिचा थापाको रोमान्टिक अभिनय देख्न सकिन्छ ।
एक प्रेमील जोडीको रोमाञ्चक प्रेम कथालाई देखाइएको भिडियोको छायांकन दीपक गिरीले गरेका हुन्, भने सम्पादन बिकाश दाहालले गरेका हुन् ।
गीतकार तथा संगीतकार गजमेरका यसअघि ‘पन्चेबाजा बजाउँदै’, ‘यादहरूमा’, ‘प्रेमको नाता’, ‘मुसुक्क हासीदेउ’, ‘जुनी जुनी’लगायतका गीतहरुले चर्चा पाएका थिए ।
यो समाचार नयुज २४ नेपालबाट लिईएको हो।
