काठमाडौं । नायिका पूजा शर्माले आफ्नो प्रेमी सार्वजनिक गरेकी छन् । कहिले पल शाह त कहिले आकाश श्रेष्ठसँग नाम जोडिदै आएकी पूजाले सामाजिक संजाल फेशबुकमा आफ्नो प्रेमी सार्वजनिक गरेकी हुन् ।
फेशबुकमा प्रेमीसँगको तस्बीर राख्दै भनेकी छन् – ‘यू आर द वान लभ’ उनको प्रेमी युद्ध बानियासँग रहेको खुलेको छ । जो एक व्यवसायी हुन् ।
पूजा र युद्धको प्रेम सम्बन्धबारे एक वर्षदेखि चर्चा चलेपनि औपचारिक रुपमा भने बाहिर आएको थिएन । यद्यपि पूजाले पछिल्लो समय घरमा बिहेको कुरा चल्दै आएको भन्दै युद्धसँगको सम्बन्धबारे खुलाउने गरेकी थिइन् ।
पूजाले चलचित्र क्षेत्रकै पल र आकाश जस्ता कलकारहरुसँग नाम जोडिदै आएकोमा भने उनीहरु काम गर्दाका साथीहरु मात्रै भन्ने स्पष्टिकरण दिँदै आएकी थिइन् ।
यो समाचार नयुज २४ नेपालबाट लिईएको हो।
