- तस्वीर : महेश्वर के.सी.,
काठमाडौं । सदाबहार अभिनेत्री करिश्मा मानन्धर नेकपा (एमाले) प्रवेश गरेकी छन् । मंगलबार काठमाडौंको बबरमहलस्थित कार्की ब्याङ्क्वेटमा आयोजित एक कार्यक्रममा अभिनेत्री मानन्धरलाई पार्टी अध्यक्ष केपी शर्मा ओलीले स्वागत गरेका हुन् ।
यस अगाडि करिश्माले डा. बाबुराम भट्टराईले नेतृत्व गरेको तत्कालीन नयाँ शक्ति नेपालबाट राजनीतिक करियर सुरु गरेकी थिइन् । अभिनेत्री मानन्धरसँगै पूर्वमन्त्री प्रेमबहादुर सिंह नेतृत्वको ‘समाजवादी जनता पार्टी’ पनि एमाले प्रवेश गरेको छ ।
अभिनेत्री मानन्धरले एमालेले मुलुकको परिवर्तन र समृद्धिको सही एजेन्डा बोकेकाले आफूले पार्टी प्रवेश गर्ने निर्णय लिएको बताएकी छन् । अब एमालेमा रहेर राजनीतिमा अघि बढ्ने अठोट गरेको उल्लेख गर्दै करिश्माले भनिन्, ‘यही अठोट लिएर मुलुकको समृद्धिको दिशामा अघि बढ्छु ।’
यो समाचार नयुज २४ नेपालबाट लिईएको हो।
