काठमाडौं । टीका दाहालको संगीतमा समावेश ‘कौवा करायो’ गीतको म्युजिक भिडियो सार्वजनिक भएको छ । यस गीतमा स्वर भोइस अफ नेपाल फेम गायिका सुरक्षा सेन्चुरीको रहेको छ । पूरानो थिमलाई समेटेर तयार पारिएको यस गीतमा रमेश दाहालको शब्द रहेको छ ।
गीतलाई संदेश परियारले संगीत संयोजन गरेका हुन् । म्युजिक भिडियोमा विगतमा नेपाली समाजको अवस्था कस्तो थियो भन्ने कुरालाई देखाइएको छ । भिडियोमा विकाश लामिछाने र सन्ध्या बुढा (काउली बुढी) नव विवाहित दम्पति पात्रका रुपमा फिचर्ड छन् ।
हजुर आमाले नातिनीलाई आफ्नो समयमा कसरि संदेशहरु प्राप्त गरिन्थ्यो भन्ने कुरालाई रोचक ढंगबाट भिडियोमा प्रस्तुत गरिएको छ।बुद्ध थापाले छायांकन गरेको यस भिडियोमा दिनसन शाहको सम्पादन रहेको छ ।
केशब राज भट्टको परिकल्पना र निर्देशनमा भिडियो तयार पारिएको हो । भिडियो ‘टीका दाहाल म्युजिक’ नामक युट्युव च्यानलमार्फत् सार्वजनिक भएको हो ।
यसअघि संगीतकार दाहालको संगीतमा रहेका ‘हुन्न हुन्न हुदै हुन्न’, ‘मिल्टेरीको जुत्ता’, ‘एकै नजरमा’, ‘तस्बिर’लगायत थुप्रै चर्चित म्युजिक भिडियोहरु सार्वजनिक भइसकेका छन् ।
[embedded content]
यो समाचार नयुज २४ नेपालबाट लिईएको हो।
