काठमाडौं । ‘पुष्पा’ फिल्मको अपार सफलतापछि साउथका चर्चित सुपरस्टार अल्लु अर्जुनको फ्यान फलोइङ ह्वात्तै बढेका छन् । फिल्म ‘पुष्पाः द राइज’ रिलिज भएपछि अल्लु अर्जुनको लोकप्रियता दक्षिण भारतमा मात्रै नभई विदेशमा पनि बढेको छ ।
यस अगाडि नै अल्लु अर्जुनको कयौं फिल्महरु पर्दामा सुपरहिट साबित भएतापनि ‘पुष्पा’ले उनको लोकप्रियता थप बढाइदिएको छ । साउथका सबैभन्दा महँगा कलाकारमध्ये एक हुन् अल्लु अर्जुन । वास्तवमा उनलाई लक्जरी जीवन बिताउन मनपराउँछन् ।
अल्लु अर्जुनको नेट वर्थ
मिडिया रिपोर्टका अनुसार अल्लु अर्जुनको कुल नेटवर्थ ४७ मिलियन अर्थात् करिब ३५० करोड रुपैयाँ रहरेको छ । उनले एउटा फिल्मका लागि १४ देखि १५ करोड रुपैयाँ पारिश्रमिक लिने गरेका छन् । अल्लु अर्जुनले ‘पुष्पा’को सिक्वेलका लागि १०० करोड भारु माग गरेका मिडिया रिपोर्टको दाबी छ ।
विलासी बंगलामा बस्छन्!
अल्लु अर्जुन हैदरावादको जुबली हिल्समा रहेको विलासी बंगलामा बस्दै आएका छन् । उनको घर एकदमै सुन्दर ढंगले डिजाइन गरिएको छ, जुन ८ हजार वर्ग फुटमा फैलिएको छ । यसबाहेक उनको घरमा निजी पोखरी पनि छ ।
अल्लु अर्जुन आफ्नो श्रीमती स्नेहा रेड्डी र दुई छोरा–छोरीसँग उक्त घरमा बस्दै आएका छन् । मिडिया रिपोर्टका अनुसार यो घरको लागत १०० करोड भारु रहेको छ । योसँगै अभिनेताले मुम्बईमा २ बीएचके फ्ल्याट पनि किनेका छन् ।
लक्जरी कारहरूको सौखिन
अल्लु अर्जुनलाई कार निकै मन पर्छ । उनीसँग लक्जरी कारहरुको कलेक्शन रहेको छ । उनीसँग रेन्ज रोभर, हमर एच२, रेन्ज रोभर भोग, जगुआर एक्सजेएल, भोल्भो एक्ससी९० टी८ एक्सेलेन्स जस्ता महँगा गाडीहरू छन् । उक्त कारहरुको मूल्य करोडौं पर्छ । यसबाहेक उनको आफ्नै निजी जेट र भ्यानिटी भ्यान पनि छ ।
मिडिया रिपोर्टका अनुसार अल्लु अर्जुनको भ्यानिटी भ्यानको मूल्य करिब ७ करोड रुपैयाँ रहेको छ । अल्लु अर्जुनले उक्त भ्यानिटी भ्यानलाई उनले ‘द फाल्कन’ नाम दिएका छन् ।
यो समाचार नयुज २४ नेपालबाट लिईएको हो।
