काठमाडौं । नेपाली फिल्म ‘दोख’ आज (शुक्रबार)बाट प्रदर्शनमा आएको छ । आजबाट फिल्म देशभरका सिनेमा हलबाट प्रदर्शन भएको हो । अनुप बरालद्वारा निर्देशित फिल्ममा दीया मास्के, मनिष निरौला, लोकमणि गुरुङ, माओत्से गुरुङको मुख्य अभिनय छ ।
फिल्ममा तत्कालीन सरकार र माओवादीबीचको सशस्त्र द्वन्द्वको कथावस्तु समेटेको छ । फिल्म प्रदर्शनीपछि सिने सञ्चारकर्मीहरुसँग करा गर्दै नायिका मास्केले पात्रसँग जोडिएको यथार्थपरक कथावस्तुले दर्शकलाई यथार्थताको चित्रण गर्ने बताइन् ।
उनले फिल्म दोख आफूलाई राम्रो लागेको र करिब ७ वर्षअघिका कुराहरुलाई पुनः दृश्यमा देख्दा फिल्ममा काम गर्दाका अनुभव पनः स्मरण भएको बताइन् । त्यस्तै नायक मनिष निरौलाले फिल्म छायांकन गरेको लामो समयपछि हेर्दा सुटिङ बेलाका असहज अनुभवको स्मरण भएको बताए ।
अन्तिमको सिनले भावुक बनाएको बताए । त्यस्तै फिल्मका निर्देशक अनुप बरालले मान्छेको मनलाई जोडेर इतिहासलाई देखाउने प्रयास गरेको बताए । उनले इतिहास जस्तो फिल्म भएपनि यस्ता फिल्मले भावी पुस्तालाई विगतको कुरा सम्झाइरहने बताए ।
एकल प्रदर्शनमा आएको ‘दोख’ले सिंगल थिएटर पर्याप्त पाएको छ भने मल्टीप्लेक्सहरुमा पनि सुखद् शोज हात पारेको छ । एक स्क्रिप्ट प्रतियोगितामा पहिलो भएको राजन कठेतद्वारा लिखित कथामा चलचित्र बनेको हो ।
सविन ज्ञवाली र मनोज अधिकारी निर्माता रहेको चलचित्रको कार्यकारी निर्माता भीम न्यौपाने, ओम गुरुङ र रञ्जु वाग्ले थापा हुन् । सन्तोष पाठक, धर्म अधिकारी, प्रविण पाठक, सुमिता आचार्य, दीपक खनाल र युबराज भट्टराई एसोसियट निर्माता रहेको चलचित्रमा शैलेन्द्र डी. कार्कीको छायांकन, संगम पुष्पाको ब्याकग्राउन्ड स्कोर, अष्ट महर्जनको द्वन्द्व र निमेष श्रेष्ठको सम्पादन छ ।
यो समाचार नयुज २४ नेपालबाट लिईएको हो।
