काठमाडौं । यतिबेला बलिउड अभिनेता रणवीर सिंह आफ्नो न्यूड (नग्न) फोटोसुटका कारण चर्चामा छन् । रणवीरको यस फोटोशूटलाई लिएर उनीविरुद्ध उजुरी परेको छ । यसका साथै अन्य सेलिब्रेटीहरूले पनि उनको नग्न फोटोशूटलाई लिएर आ–आफ्नो प्रतिक्रिया दिएर समर्थन गरिरहेका छन् ।
यसैबीच अभिनेत्री राखी सावन्तले पनि रणवीरको नग्न फोटोशूटप्रति आफ्नो भनाइ सार्वजनिक गरेकी छन् । त्यसोत, राखीले यसअघि पनि रणवीर सिंहको फोटोशुटलाई शानदार बताएकी थिइन् । यसका साथै अहिले आएर फेरि अभिनेत्री राखीले रणवीरको नग्न फोटोशुटमा फनी भिडियो बनाएर प्रतिक्रिया दिएकी छिन् ।
राखी सावन्तले इन्स्टाग्राममा एउटा भिडियो सेयर गर्दै रणवीर सिंहलाई समर्थन गरेकी छन् । उनले भनेकी छन्, ‘साथीहरू, म धेरै थाकेकी छु । साँच्चै धेरै थाकेकी छु । म भर्खरै दुबईबाट ल्यान्ड गरेकी छु । र, अझैपनि मैले रणवीर सिंहको नग्नता (न्यूडिटी)लाई लिएर कुराहरु सुन्दै छु । अरे, सबै केटीहरू पूर्ण रूपमा नग्न भएर क्यामेराको अगाडि आउँछन् । एकजना रणवीर नग्न भएर आएका छन्, उनले देशका कति युवतीहरुमाथि करुणा गरेका छन् ।’
राखी सावन्तले थप भनेकी छन्, ‘हाम्रो आँखामा, हाम्रो हृदयमा, हाम्रो हरेक ठाउँमा यति शान्ति मिलेको छ कि हामीले एउटा केटालाई नग्न देख्यौं । हाय कति ह्याण्डसम देखिइरहेका छन् । रणवीर कतै मेरो नजर नलागोस् ।’
त्यसपछि भिडियोमा राखी सावन्तले ‘हाय गरमी’ गीत गाउँदै फेरि भनेकी छन्, ‘मेरो रणवीर, तिमीले यस्तै फोटोशुट गर, म तिमीलाई यस्तै हेर्न चाहन्छु ।’
यस भिडियोलाई लिएर राखी सावन्त निकै ट्रोल भएकी छन् । इन्स्टाग्राममा यो भिडियोलाई लिएर हंगामा नै मच्चिएको छ । राखी सावन्तलाई नग्नताको प्रचार गरेको भन्दै फ्यानहरुले ट्रोल गरिरहेका छन् ।
यो समाचार नयुज २४ नेपालबाट लिईएको हो।
