काठमाडौं । गायक तथा संगीतकार कमल खत्री र गायिका मेलिना मैनालीले इन्गेजमेन्ट गरेका छन् । गायक खत्री र मैनालीले आइतबार सामाजिक सञ्जालमार्फत् आफूहरुबीच इन्गेजमेन्ट भएको जानकारी गराएका हुन् ।
गायक खत्रीले इन्गेजमेन्टको तस्वीर सेयर गर्दै भनेका छन्, ‘जीवनको नयाँ अध्यायको सुरुवात तिमीसँग हुनु नै मेरो जीवनकै सुखद् पक्ष हो । चाहाना एति छ कि साथ र माया सधै पाइरहुँ ।’
त्यस्तै गायक खत्रीले जीवनको हरेक उतार–चढावमा सदैव एक–अर्काको साथमा रहने बाचा गर्दै आफूहरुले रीतिरीवाज अनुसार इन्गेजमेन्ट गरेको जानकारी गराएका छन् ।
केही समय अगाडिदेखि कमल र मेलिना प्रेम सम्बन्धमा थिए । गायिका मैनाली रियालिटी शो भ्वाइस अफ नेपालबाट चर्चामा आएकी हुन्, भने कमल नेपाली सांगीतिक क्षेत्रका चर्चित गायक तथा संगीतकार हुन् ।
यो समाचार नयुज २४ नेपालबाट लिईएको हो।
