काठमाडौं । बलिउड अभिनेता विवेक ओबरोय काठमाडौं आइपुगेका छन् । बुधबार साँझ अभिनेता ओबरोय परिवारसहित त्रिभुवन अन्तर्राष्ट्रिय विमानस्थलमा ल्याण्ड भएका हुन् । अभिनेता ओबराेय पहिलो पटक नेपाल आएका हुन् ।
अभिनेता ओबरोयले पहिल्यै नेपाल आउने रहर भएतापनि अहिले समय जुरेकाले आफू परिवारसँगै आएको बताए । उनले नेपाल र भारत उस्ता उस्तै लाग्ने बताए ।
उनले आफ्ना बच्चाहरूलाई पवित्र स्थल पशुपति र लुम्बिनी घुमाउने अठोटले नेपाल आएको बताएका छन् । अभिनेता ओबरोय र उनका परिवारले नेपालमा रहुन्जेल सगरमाथाको बेसक्याम्प, पोखरा, लुम्बिनी र काठमाडौंको पशुपतिलगायतको ठाउँहरू भ्रमण गर्ने जानकारी गराइएको छ ।
यो समाचार नयुज २४ नेपालबाट लिईएको हो।
