काठमाडौं । निर्देशक प्रकाश धितालले ‘भन्नुहुन्थ्यो बाले’ बोलको गीतबाट सगरमाथा म्यूजिक अवार्ड जित्न सफल भएका छन् ।
बिहिबार राजधानीमा आयोजित एक भव्य समारोहकाबिच निर्देशक धिताललाई सगरमाथा म्यूजिक अवार्ड २०७९ सर्वोत्कृष्ट म्यूजिक भिडियो निर्देशक सुगम संगीत प्रदान गरिएको हो ।
गायक राजेन्द्र बुढाथोकीको स्वरमा रहेको ‘भन्नुहुन्थ्यो बाले’ बोलको गीतका शब्द शृजना लोकराज अधिकारीका हुन् । जसमा अर्जुन पोखरेलको संगीत रहेको छ ।
पछिल्लो समय म्यूजिक भिडियो निर्देशनमा निकै ब्यस्त बन्दै गइरहेका निर्देशक धितालले यसअघि म्यूजिक खबर अवार्ड, योगं माइण्ड अवार्ड पनि हात पारिसकेका छन् ।
निर्देशक धितालले हालसम्म ३ सय बढी भिडियोको निर्देशन गरिसकेका छन् । उनका सोह्र सालैमा, पहिलो यो माया, मन्द मन्द, दिलैमा, मिरिमको बाढी, बोल्ने कोइ छेन, लगायतका गीतहरु चर्चित छन् ।
निर्देशक धितालको सान्बाबु बोलको गीतको भिडियो शुक्रबार रिलिज हुँदैछ । जसलाई उनले आफ्नो प्रतिक्षित र निकै नै आशा गरेको भिडियो भन्न रुचाउँछन् । जसमा सुन्दरी नायिका केकी अधिकारी र ह्याण्डसम उमेश भट्टको अभिनय देखन सकिन्छ ।
यो समाचार नयुज २४ नेपालबाट लिईएको हो।
