काठमाडौं । अभिनेत्री वर्षा शिवाकोटी र रमेश बानियाँ अभिनित सिनेमा ‘ए साथी सुन’को शीर्ष गीत रिलिज भएको छ । आइतबार इन्टरनेटमा रिलिज गरिएकोे शिर्ष गीतमा अभिनेत्री शिवाकोटी र डेव्यु अभिनेता बानियाँ फिचर्ड छन् । सार्वजनिक गीतमा उनीहरुलाई रोमान्टिक अवतारमा प्रस्तुत गरिएको छ ।
सुरज अधिकारीको संगीत तथा रविना मगरकको शब्द रचना रहेको गीतमा अञ्जु पन्त र किरण भुजेलको स्वर सुन्न सकिन्छ । पोखराका रमणीय स्थानमा खिचिएको सिनेमाको सार्वजनिक गीतको भिडियामा रामजी लामिछानेले कोरियोग्राफी हेर्न सकिन्छ ।
लभस्टोरी, थ्रीलर र कमेडी जानराको सिनेमामा आयन खड्का, सुशिल पोखरेल, जयनन्द लामा, रमेश अधिकारी, बिमला गिरी, सुवास शाह लगायतको अभिनय छ । कृष्मा खड्का र इभान सन्जेल पनि बाल कलाकारको भूमिकामा सिनेमामा अभिनय गरेका छन् । जयनन्द लामा अभिनित अन्तिम सिनेमा ‘ए साथी सुन’ आगामी चैत १० गते रिलिज हुनेछ । यो चलचित्रलाई जयनन्द लामाको अन्तिम चलचित्र मानिएको छ ।
राम राघव आचार्यको लेखन तथा निर्देशन रहेको सिनेमालाई बीना कार्की र सन्तोषकुमार राईले मिलेर निर्माण गरेका हुन् । इभान इन्टरटेनमेन्टको प्रस्तुतिमा निर्माण भएको सिनेमाको सह(निर्मातामा सुदीप पौडेल छन् । सिनेमालाई आरआर फिल्म्सले वितरण गर्न लागेको हो । चलचित्रको प्रचारप्रसारलाई तिब्र पारिएको सह निर्माता सुदिप पौडेले जानकारी दिएका छन । नायिका बर्षा शिवाकोटीको अन्य चलचित्र भन्दा यो चलचित्रमा विशेश अभिनय देखन पाईने पौडेल बताउछन् ।
यो समाचार नयुज २४ नेपालबाट लिईएको हो।
