काठमाडौं। नाबालिग जबर्जस्तीकरणी अभियोगमा तनहुँ कारागारमा रहेका अभिनेता पल शाहले आफ्नो जन्मदिन कारागारभित्रै मनाएका छन् । बुधरबा परेको पल शाहको जन्मदिन मनाउन अभिनेत्री पूजा शर्मा, निर्देशक शोभित बस्नेतसहितको टोली त्यहाँ पुगेको हो ।
पलको जन्मदिनको अवसरमा शुभकामना दिँदै पूजाले आफ्नो फेसबुकमा पल र आफू पोतिएको केक पनि सेयर गरेकी छन् । उनले विगतजसरी नै यसपालि पनि पलको जन्मदिन मनाएको पनि भनेकी छन् । जन्मदिनको अवसरमा शुभकामनासहित केक काटेर कारागारमै पूजा र शोभित टिमले सेलिब्रेसन मनाएको छ ।
पल शाह करिब एकवर्ष अगाडि नाबालिग बलात्कारको आरोपमा कारागारमा छन् । पललाई तनहुँ जिल्ला अदालतले जबर्जस्ती करणीको मुद्दामा सफाइ दिए पनि नवलपुर जिल्ला अदालतले बालयौन दुव्र्यवहारको मुद्दामा सुनाएको साढे दुई वर्ष जेल सजाय काटिरहेका छन् ।
यो समाचार नयुज २४ नेपालबाट लिईएको हो।
