काठमाडौं। बाल कलाकार दियन गौतमले अभिनय गरेको आमाको ममता बोलको गीतको भिडियो लिफ्ट(अफ फिल्ममेकर सेसन्सका लागि छनोट भएको छ । बेलायतको पाइनवुड स्टुडियोमा आयोजित कार्यक्रममा नेपाली म्यूजिक भिडियो आमाको ममता छनोट भएको हो । जसले यस क्षेत्रमा लागेका कलाकर्मीहरुलाई हौसला र प्रोत्सहान दिँदै आएको छ ।
दियनसहित आमाको ममतामा बरिष्ठ अभिनेता सुनिल थापा, गौरव पहारी, हिउँवाला गौतम लगायतका कलाकारहरुको अभिनय रहेको गीतमा गायक रामकृष्ण ढकालको स्वर रहेको सार्वजनिक गीतमा अर्जुन पोख्रेलको शब्द तथा अर्जुज पोखरेलको संगीत रहेको छ । आमाको महिमाको वर्णन गरेको भिडियोको निर्देशन बिधान कार्कीले गरेका हुन् ।
सरोज खनाल, आकाश अधिकारी, दीपकराज गिरी, दीपाश्री निरौला लगायतका लोकप्रिय कलाकारहरुसँग अभिनय गरिसकेका ७ वर्षका दियन राजधानीको नयाँ बानेश्वरस्थित बेबिलोन नेशनल स्कुलमा कक्षा २ मा अध्ययनरत छन् । दियन सानै उमेरमा पनि कलाकारितामा झुकाव देखाएका दियनले आमाको ममताका अलावा आमा ‘तिमी छौ कहाँ’, ‘भन्नु हुन्थ्यो बाले’, लगायतका म्यूजिक भिडियोमा काम गरिसकेका छन् । त्यस्तै दियनले दीपक दीपासँग विज्ञापनहरुमा पनि काम गरिसकेका छन् ।
यो समाचार नयुज २४ नेपालबाट लिईएको हो।
