काठमाडौं। फिल्म ‘कृ’ का ‘उकालीमा अघिअघि’ बोलको गीत युट्युबबाट हटाइ ‘ढुकढुकी बढ्छ मेरो’ बोलको गीत राखेका छन् ।
अल्मोडा राना उप्रेती र सविन एकतारेको शब्द रहेको गीतमा अल्मोडा आफैंले स्वर र संगीत भरेका छन् । फिल्म ‘सम्झना’ मा समावेश ‘उकालीमा अघिअघि’ बोलको गीत विना अनुमती युवा स्टार अनमोल केसी अभिनीत फिल्म ‘कृ’ मा राखिएको भन्दै चोरीको आरोप लगाउँदै निर्देशक शम्भु प्रधानले प्रहरीमा जाहेरी दिएका थिए ।
उनको जाहेरीको आधारमा ‘कृ’ निर्माता सुवास गिरीलाई १७ घण्टा प्रहरीले अनुसन्धानका लागि हिरासतमा समेत राखियो । शम्भु प्रधानलाई ११ लाख क्षतीपूर्ती र युट्युबबाट गीत हटाइने सहमतीपश्चात् निर्माता गिरी प्रहरी हिरासतबाट मुक्त भएका हुन् ।
[embedded content]
यो समाचार नयुज २४ नेपालबाट लिईएको हो।
