एजेन्सी–
मुम्बई । हालै बलिउड स्टार सलमान खान दुर्लभ कृष्णसार सिकार आरोपमा पक्राउ परी जेल चलान भई धरौटीमा छुटेका छन् ।बलिउडका थुप्रै अभिनेता तथा अभिनेत्री छन् जो जेल बसिसकेका छन् ।
धेरैजसो चर्चित अभिनेता र अभिनेत्रीले जान वा अन्जानमा गलत गरि प्रहरीको हिरासत तथा जेलमा बस्नु परेको घटनाहरु छन् ।त्यस्तै अभिनेता सञ्जय दत्तले सन १९९३ को बम काण्डमा मुछिएको कारण पाँच वर्ष जेल बस्नुपरेको थियो ।
अक्षय कुमारले पनि दुई दिन जेलमा कैदीका रूपमा बस्नुपरेको थियो । एउटा फेसन सोमा ¥याम्पमा हिँड्ने क्रममा पाइन्टको चेन खोलेर अभद्र व्यवहार गर्दै नारीको अपहेलना गरेको प्रकरणमा उनी थुनामा परेका थिए ।
अभिनेता गोविन्दले सन् २००७ मा फिल्म ‘मनी है तो हनी है’को प्रचार प्रसारका क्रममा एक जना प्रशंसकलाई गालामा थप्पड हानेका कारण उनले पनि दुई दिन प्रहरी हिरासतमा बस्नुपरेको थियो ।
गोविन्दकै भतिज एवं अभिनेता साइनी आहुजा पनि केही महिना जेल परेका थिए । घरमा काम गर्ने युवतीमाथि शारीरिक शोषण गरेको आरोपमा साइनी जेल जानु परेको हो ।
अभिनेता जोन अब्राहमले सन् २००६ मा आफ्नो गाडीले ठक्कर दिँदा दुई जनाको ज्यान गएको थियो । सो प्रकरणमा जोनले पनि केही समय जेल जीवन बिताउनुपरेको थियो ।
मुम्बईको बसाबी होटलमा एक व्यवसायीमाथि हातपात गरेको प्रकरणमा अभिनेता सैफ अली खानले पनि केही दिन जेलमा बस्नुप¥यो ।
अभिनेता राजपाल यादवले गत वर्ष ऋण प्रकरणमा १० दिन जेल जीवन बिताउनुप¥यो । ५ करोड रुपैयाँ ऋण नतिरेको प्रकरणमा दिल्ली उच्च न्यायालयको फैसलापछि १० दिन जेल बसेर त्यो ऋण तिरेपछि उनले मुक्ति पाए ।
केही वर्षअघि लागूऔषधसहित प्रक्राउ परेका अभिनेता फरदिन खानले पाँच दिन जेलमा बिताउनुप¥यो । त्यसपछि उनलाई प्रहरीले पुनस्र्थापना केन्द्रमा उपचारका लागिपठाएको थियो ।
प्रेमिकालाई यौन दुराचार गरेको प्रकरणमा सन् २०१४ मा अभिनेता इन्द्रकुमारलाई प्रहरीले पक्राउ गरेर केही दिन थुनामा राखेको थियो ।
यो समाचार नयुज २४ नेपालबाट लिईएको हो।
