एजेन्सी। पछिल्लो समय नेपाली चलचित्र क्षेत्रका हटकेक नायक हुन् अनमोल केसी । सुपरस्टार नायक अनमोल केसीले आफ्नो चरित्र हत्या नगरिदिनुहुन भन्दै सबैमा अनुरोध गरेका छन् ।
केहि अनलाइन मिडियामा अनमोलको बिषयमा भ्रामक समाचार प्रकाशन भएपछि उनले फेसबुकमा स्टाटस नै लेख्दै यस्तो अनुरोध गरेका हुन् ।
केहि अनलाइनमा ‘अनमोलले गाउँले भनेका भिकारी हुन्’ भनेको भन्दै भ्रामक समाचार प्रकाशन भएपछि अनमोलले स्टाटस नै लेखेका हुन् ।
अनमोलले भने-‘म आफै पनि अचम्मित छु । म संसारका हरेक मानिसले सुख पाउन् भनेर काम गर्छु । तर, बोल्दै नबोलेका कुरालाई लिएर खबर आउँदा दुख लाग्ने रहेछ ।’
युवामाझ लोभलाग्दो क्रेज बनाएका अनमोल अहिले भने चलचित्र ‘क्याप्टेन’को तयारीमा जुटेका छन् ।
नम्र स्वभावका अनमोलले आफूले सबैलाई सम्मान गर्ने समेत स्पष्ट पारेका छन् । साथै समाचार विकाउने उद्देश्यले यस्ता भ्रामक समाचार लेखेर कसैको चरित्र हत्या नगर्न आग्रह गरेका छन् ।
यो समाचार नयुज २४ नेपालबाट लिईएको हो।
