२०७४ साल नायक पल शाहलाई फिल्म खेल्न भ्याईनभ्याई रह्याे।उनले अभिनय गरेका अधिकांश चलचित्र सफल रहे यसकारण पनि उनको डिमाण्ड बढ्दो छ । नायक पल शाहको लागि २०७४ साल निकै सुखद नै रह्यो । वर्षको सुरुवात देखि अन्त्यसम्म उनी अभिनित तिन चलचित्र ‘म यस्तो गीत गाउँछु, जोनी जेन्टलम्यान र शत्रु गते’ रिलिज भए ।
म यस्तो गीत गाउँछु वर्षको पहिलो हिट बन्यो भने जोनी जेन्टलम्यानले औसत कमाई गरेको थियो ।शत्रु गते हाल पाँचौँ सातामा सफलताको साथ प्रदर्शन भइरहेको छ ।
यती ब्यस्त हुँदा हुँदै पनि यस बर्षका लागि भने पल शाहका कुनै चलचित्र छैनन् । मिडियासँग कुरा गर्दै पलले भने अब केही महिना चलचित्र नगर्ने बताएका छन् । उनी भन्छन् ‘अब केही महिनाआराम गर्छु यस बिचमा स्किृष्टहरु पढ्ने छु । अब केही समय कुरेर राम्रो कथा छान्ने प्रयास गर्नेछु । ’ पललाई लगातार चलचित्र हिट भएपछि पारिश्रमिक बढेको हो भन्ने प्रश्नमा उनी भन्छन् ‘कलाकारको रेट हुँदैन । आफुलाई चित्तबुझ्दो कथा आएमा काम गर्न सधैं तयार हुने र निर्मातालाई आफ्नो मार्केट भ्यालु कति छ थाहा भएको जुन बताईरहन जरुरी नभएको उनी बताउँछन् ।
यो समाचार नयुज २४ नेपालबाट लिईएको हो।
