काठमाडौं । नेपाल आइडलका सेकेन्ड रनर्सअप गायक प्रताप दासको नयाँ गीत सार्वजनिक भएको छ। प्रताप र गायिका ससिका राईको स्वर रहेको गीत ‘हावाको चिसो झोकाले’ म्युजिक भिडियोसहित विशाल चैतारी युट्युब च्यानबाट रिलिज भएको हो।
सार्वजनिक गीतमा ‘नेपाली तारा सिजन–३’का फस्ट रनर्सअप समेत रहेका गायक देबेश राईको संगीत तथा एरेन्ज रहेको छ, भने शब्द इन्दु तामाङले लेखेकी हुन्। भिडियो हेर्नुस् :
‘हावाको चिसो झोकाले’ बोलको गीतको भिडियोमा प्रताप रससिका नै फिचरिङ छन् । भिडियोलाई विशाल राईले खिचेका हुन्, भने टेकेन्द्र शाहले सम्पादन गरेका हुन् ।
सार्वजनिक गीतको बारेमा बोल्दै गायक प्रतापले भने –‘गीत एकदमै उत्कृष्ट बनेको छ जस्तो लाग्छ, किनभने गीत रेकर्ड भइरहेको समयमा आउनु भएका अग्रजहरुले धेरै राम्रो रेस्पोस्स दिनु भएको थियो, गायक प्रतापले बताए ।
त्यस्तै यस गीतका संगीतकार तथा एरेन्जर देबेशले गीत उत्कृष्ट बनाउन सबै टिमले प्रयास गरेको बताए । देबेशले भने –‘यो गीत धेरै पहिला नै संगीत गरेको थियो, यो गीत प्रतापको लागी भनेरै राखेको तर नेपाल आइडलमा गएका कारण रेकर्ड गर्न ढिला भएको थियो । तर ढिला भएपनि प्रताप र ससिका दुबैले राम्रो गाएको कारण गीत राम्रो बनेको छ’, देबेशले बताए ।
यो समाचार नयुज २४ नेपालबाट लिईएको हो।
