हरिशजङ्ग क्षेत्री.
काठमाडौ नेपाल आईडलको पहिलो संस्करणको टप ७ बाट बाहिरिएका खोटाङका रकस्टार उल्सन श्रेष्ठको पहिलो साङ्गितिक कोशेली आइतबार सार्वजनिक हुने भएको छ ।
एपीवान टेलिभिजनबाट प्रशारण भएको चर्चित साङ्गितिक कार्यक्रम नेपालकै पहिलो रियालिटी शो नेपाल आइडल खोजी प्रतिभाको पहिलो संस्करणबाट उदाएका खोटाङका उल्सन श्रेष्ठको पहिलो साङ्गितीक कोशेली हुरि आयो बोलको गित आइतबार सार्वजनिक हुने भएको छ । यस अघिनै आज शुक्रबार सार्वजनिक हुने भनिएको गित प्राबिधिक गडबडीका कारण आइतबार मात्रै सार्वजनिक हुने भएको छ । नेपालको पहिलो चर्चित रियालिटी शो नेपाल आइडलमा रकस्टारको छबि बनाएका उल्सन श्रेष्ठ टप ७ बाट बाहिरीका थिए ।
नेपाल आईडलका सन्ध्या जोशी, राहुल बिस्वास, केन्जल मेहर श्रेष्ठ, प्रमिला राई, निशान भट्टराई, बुद्ध लामा, सागर आले, सुजाता पाण्डे, सुरज थापा र प्रताप दासले नेपाल आईडल पश्चात साङ्गितिक कोशेली बजारमा ल्याईसकेका छन् । यसैबीच रकस्टार उल्सनले पनि लामो समयको अन्तराल पछि आफ्नो पहिलो साङ्गितीक कोशेली “हुरि आयो” श्रोता माझ ल्याउदै छन ।
“हुरि आयो” बोलको गितमा रकस्टार उल्सन श्रेष्ठको आफ्नै शब्द, संगीत र स्वर रहेको छ भने गितको भिडियोमा अहिलेकी चर्चित नायिका आँचल शर्मा, ईन्जमाम अलि खान र उल्सन आफैंले पनि अभिनय गरेका छन् । गितको भिडियोलाई चर्चित निर्देशक नितिन चन्दले निर्देशन गरेका छन् भने भिडियोलाई सुरेश नेपालीले छायांकन गरेका हुन ।
यो समाचार नयुज २४ नेपालबाट लिईएको हो।
