काठमाडौं । फिल्म ‘ब्ल्याक’ को ट्रेलर रिलिज भएको छ । फिल्मको निर्माण पक्षले काठमाडौंमा पत्रकार सम्मलेन गर्दै ‘ब्ल्याक’को ट्रेलर रिलिज गरेका हुन् । फिल्मको सार्वजनिक ट्रेलरमा लिड कलाकार आकाश श्रेष्ठ र आँचल शर्माको लभस्टोरी र रोमान्सका कुरालाई प्रस्तुत गरिएको छ । त्यस्तै आयुष रिजालको भिलेन लुक्सलाई पनि प्रस्तुत गरिएको छ ।
फिल्मलाई प्रदीप श्रेष्ठले निर्देशन गरेका हुन् । निर्देशक श्रेष्ठका अनुसार ‘ब्ल्याक’ डार्क प्रेम कथामा बनेको छ, भने यो फिल्मले दर्शकहरुको मन जित्ने दाबी पनि गरेका छन् ।
त्यस्तै फिल्मको अभिनेता आकाश श्रेष्ठले पनि फिल्म निर्माणको क्रममा धेरै मेहेनत गरेको बताएका छन् । साथै अभिनेत्री आँचल शर्माले पनि फिल्मको कथाबस्तु उत्कृष्ट हरेको बताएकी छन् भने लिड रोलमा काम गर्न पाएकीमा निकै खुसी भएकी बताएकी छन् ।
यो फिल्म आगामी भदौ १ गतेबाट सम्पूर्ण दर्शकमाझ रिलिजमा आउँदैछ । ‘ब्ल्याक’मा आकाश र आँचलका अलवा शुन्दर श्रेष्ठ, आयुष रिजाल, सुशिल क्षेत्री, धिरेन शाक्य, प्रिय रिजाल लगाएतको मुख्य भुमिका रहेको छ ।
फिल्ममा सुगम पोखरेलको स्वर, डा. कविराज बान्तवाको शब्द र महेश खड्काको संगीत रहेको छ । फिल्मलाई रामशरण उप्रेतीले खिचेका हुन् भने अर्जुन जिसिले सम्पादन गरेका हुन् । फिल्मलाई आश्मा पाण्डेले निर्माण गरेकी हुन् ।
[embedded content]
यो समाचार नयुज २४ नेपालबाट लिईएको हो।
