एजेन्सी । बलिउड अभिनेता रणवीर कपूरले अभिनय गरेकाे फिल्म ‘संजू’ले ३ दिन मै १०० करोड भन्दा बढि कमाई गरेको छ । राजकुमार हिरानीको निर्देशनमा तयार भएको उक्त फिल्ममा संजय दत्तको जीवनी देखाइएको छ ।
शुक्रारबार ३४.७१ करोड कमाई गरेको यो फिल्मले शनिबार ३८.६० करोड कमाई गरेको थियो । आइतबार फिल्मले ४६.७१ करोड कमाई गर्दै ३ दिनमै १२०.०६ करोड कमाई गरेको स्रोतले जनाइएको छ । यसअघि फिल्म ‘टाइगर जिन्दा हे’ले ३ दिनमा ११४.९३ करोड कमाई गरेको थियो । सलमान खानको रेकर्डलाई तोड्दै रणवीर कपुरले नयाँ रेकर्ड बनाएका छन् । यस्तै, रणवीरको यो फिल्मले एक दिनमै सबैभन्दा बढि कमाई गर्ने रेकर्ड समेत राखेको छ । यो फिल्मले आइतबार ४६.७१ करोड कमाई गर्दै नयाँ रेकर्ड बनाएको हो ।
फिल्ममा रणबीर कपूरको साथमा परेश रावल, मनिषा कोईराला, अनुष्का शर्मा लगायतका कलाकारहरुको मुख्य भुमिका रहेको छ ।
यो समाचार नयुज २४ नेपालबाट लिईएको हो।
