काठमडौँ । फिल्म ‘बोबी’को अर्को रोमान्टिक गीत ‘अरे सुन मनका कुरा’ सार्वजनिक भएको छ । तारा प्रकाश लिम्बको शब्द, संगीत तथा स्वरमा रहेको गीतको भिडियोलाई कविराज गहतराजले कोरियोग्राफी गरेका हुन् ।
गीतमा तारा प्रकाशलाई स्वरमा प्रबिशा अधिकारीले साथ दिएकी छिन् । मिलन चाम्स द्वारा निर्माण र निर्देशित फिल्म बोबीमा वास्तविक प्रेम कथामा वास्तविक प्रेमी जोडीले नै अभिनय गरेका छन् । कविता गुरुङ र उमेश थापाको वास्तविक प्रेम कथामा बनेको फिल्म ‘बोबी’ लाई नेपाल र नर्वे को सुन्दर स्थलमा छायांकन गरिएको छ । नबराज कृष्ण थापाको सिनेम्याटोग्राफी रहेको फिल्मलाई नरेश भटटराई र गिरीराज घिमिरेको संयुक्तरुपमा लेखेका हुन् ।
चलचित्रमा कविता गुरुङ, उमेश थापा, विजय लामा, रुवी राणा शाह, लगायतको अभिनय छ । फिल्मलाई असार २९ गते प्रदर्शनको मिति तोकिएको छ ।
यो समाचार नयुज २४ नेपालबाट लिईएको हो।
