काठमाडौ । यो शुक्रबार अर्थात कार्तिक १६ गतेबाट दुई चलचित्र रिलिजमा आउदै छ । नेपालीहरुको दोस्रो महान चाड मानिने तिहारको अवसरमा यी दुई चलचित्र प्रर्दशनमा आउदै छ ।
दीपेन्द्र के. खनाल निर्देशित फिल्म ‘चङ्गा चैट’ आयुष्मान देशराज जोशी श्रेष्ठ र परमिता राज्य लक्ष्मी राणाका कारण चर्चामा छ। दुई पुर्वप्रेमी एउटै स्क्रिनमा देखिने भएपछि फिल्मको हाइप बढेको हो।
तर फिल्ममा आयुष्मान फियोन्सी प्रियंका कार्कीको अपोजिटमा देखिँदैछन्। उता परमिता पनि सन्दीप क्षेत्रीको अपोजिटमा देखिने भएकी छिन्। फिल्मको ‘गोजीमा दाम छैन’ बोलको गीतलाई दर्शकले रुचाएका छन्। यो फिल्म कार्तिक १६ देखि प्रदर्शनमा आउँदैछ।
यहि मितिमा रेखा थापाको निर्देशनमा बनेको फिल्म ‘मालिका’ पनि प्रदर्शनमा आउने भएको छ। यस फिल्ममा रेखासँगै जाजरकोटकी कमला ओलीको मुख्य भूमिका रहनेछ। नर बहादुर कार्कीकको कथामा बनेको फिल्ममा रामशरण उप्रेतीको छायांकन, सुरेश अधिकारीको संगीत, रामजी लामिछानेको कोरियोग्राफी र श्री श्रेष्ठको द्वन्द छ। फिल्म बाल विवाह अन्त्य र महिला सशक्तिकरणको विषयमा बनेको बताइएको छ।
यतिबेला चलचित्रका निर्माता निर्देशक ज्यान दिएर चलचित्र प्रचार प्रसारमा जुटिरहेका छन् । अव दुई चलचित्र मध्ये कुन दर्शकको रोजाइमा पर्छ वा कस्ले कति माया पाउँछ त्यो भने चलचित्र रिलिज पछि नै थाहा हुनेछ ।
यो समाचार नयुज २४ नेपालबाट लिईएको हो।
