काठमाडौं, १५ कात्तिक । नेपालीहरुको रमाइलो पर्व तिहार नजिकिदै गर्दा विभिन्न तिहार गीतहरु सार्वजनिक भइरहेका छन् । यसै क्रममा ‘तारेभीर’ फेम निर्माता देउकृष्ण देवान लिंखा याख्खाको निर्देशनमा बनेको तिहार गीतको भिडियो पनि सार्वजनिक भएको छ ।
गायक रुपक जिम्मेको आवाजमा रहेको ‘सम्झे तिमीलाई’ गीतको भिडियोलाई सामाजिक सञ्जाल युट्युवमा सार्वजनिक गरिएको हो ।
सार्वजनिक ‘सम्झे तिमीलाई’ गीतको बारेमा बोल्दै निर्देशक देउकृष्ण देवानले भने, ‘आउँदै गरेको तिहारलाई लक्षित गरि शुभकामना स्वरुप यस गीतको भिडियोलाई सार्वजनिक गरिएको हो । जहाँ आफ्नो परिवार तथा आफन्तजनहरुसँग भेटघाट गरि रमाइलो गरिने पर्व तिहारमा स्वादेशमै बसेर पनि भेटघाट गर्न नपाउँदाको पीडालाई प्रस्तुत गरिएको छ । विदेशमा मात्र होइन स्वादेशमै भएर पनि तिहार पर्वमा आफ्नो परिवारसँग भेटेर खुसी साटासाट गर्दै रमाइलो गर्न नपाउँदाको क्षणलाई प्रस्तुत गरिएको छ ।’
गीतको भिडियोमा जीवन लिम्बु र कल्पना लिम्बु र धन बहादुर खेवान याख्खाले फिचरिङ गरेका छन् । बाल कलाकारमा समिक्षा देवान याख्खा र लिंगाहाङ देवान याख्खा रहेका छन् । इश्वर चाम्लिङ्गको शब्द र रुप कुमार राईको संगीतमा गीतलाई नोर्बु शेर्पाले एरेञ्ज गरेका हुन् ।
गीतको भिडियोलाई अनुप पौडेलले सम्पादन गरेका हुन्, भने गायक रुपक जिम्मेले निर्माण गरेका हुन् । गायक जिम्मेको ‘बालै भएन’ गीत बजारमा सार्वजनिक भइसकेको छ ।
[embedded content]
यो समाचार नयुज २४ नेपालबाट लिईएको हो।
