काठमाडौ । निर्देशक तथा निर्माता मिलन चाम्सले ‘विर विक्रम २’ बनाउने घोषणा गरेका छन् । फरक कथामा निर्माण हुन लागेको ‘वीर विक्रम २’को बिहीवार राजधानीका एक कार्यक्रमका बीच औपचारिक घोषणा गरिएको छ ।
विर विक्रममा दयाहाङ राई, अनुप विक्रम शाही, नाजिर हुसेन, अर्पण थापा, दीया पुन मुख्य भुमिकामा थिए । तर ‘विर विक्रम २’मा नयाँ पुस्ताका कलाकारहरु अनुबन्धित भएका छन् । कार्यक्रममा ‘वीर विक्रम २’का लिड कलाकारलाई ब्यान्डबाजासहित प्रस्तुत गराइएको थियो । कार्तिक २६ गते देखि छायांकन सुरु यस फिल्ममा आकाश श्रेष्ठ, नाजिर हुसेन, वर्षा शिवाकोटी, बुद्धि तामाङ, विनिसा भण्डारी, शिशिर राणा, क्षितिज सुवेदी , बाल कलाकारमा मनिष लिम्बु लगायतका कलाकारहरुको अभिनय रहने छ । नाजिर भने पुन यस फिल्ममा दोहोरीएका छन् । बाग बहादुर थकालीको चरित्र निभाउन लागेका बुद्दि फिल्ममा भिलेनको भूमिका देखिनेछन् । साथै यस फिल्ममा हिमाली क्षेत्रमा पाइने याकको पनि प्रमुख भूमिका रहने निर्देशक चाम्सले जानकारी दिएका छन् ।
फिल्मलाई निर्देशक र निर्माता भएर चाम्स आफैंले निर्माण गर्नेछन् भने अर्पण सापकोटा यस फिल्मका सहनिर्माता हुन । फिल्ममा प्रदीप भारद्वाजको कथा , रंजित गजमेर, राजनराज सिवाकोटी, तारा प्रकाश लिम्बुको संगीत ,सुदीप बरालको छायांकन , हिमाल केसीको द्वन्द्व, बनिष शाहको सम्पादन र कविराज गहतराजको कोरियोग्राफी रहनेछ ।
[embedded content]
यो समाचार नयुज २४ नेपालबाट लिईएको हो।
