काठमाडौं । फिल्म ’रणवीर’ को पोस्टर सार्वजनिक भएको छ । फिल्मको सार्वजनिक पोस्टरमा फिल्मका लिड कलाकारहरु सुशिल सिटौला, प्रशान्त ताम्राकार, सुबेक्षा खड्का, सुपुस्पा भट्टलाई प्रस्तुत गरिएको छ ।
निर्माण पक्षका अनुसार ‘रणवीर’को पोस्टरमा सुशिल र सुबेक्षाको प्रेमलाई फिल्मको कथावस्तु अनुसार नै पोस्टर तयार गरिएको हो । यसका साथै यो फिल्मको लागि सुशिलले आफ्नो शारीरिक बनावटमा पनि परिवर्तन ल्याएका छन् ।
निर्माण पक्षले दिएको जानकारी अनुसार लगभग ६ महिनाको मेहनतपछि सुशिल ‘रणवीर’ बन्न योग्य भएका थिए । यसै फिल्म मार्फत सुबेक्षाले डेब्यु गर्दै्छन् । फिल्ममा माया, मित्रता र बदलाको कथालाई प्रस्तुत गरिएको छ ।
फिल्मलाई गोमा बिस्ट थापा र दिपेन्द्र रेग्मीले निर्माण गरेका हुन् । फिल्मको कथा, पटकथा, संवाद र निर्देशन गोविन्द सिंह भण्डारीको रहेको छ ।
फिल्ममा हरिहर शर्मा, टिका पहाडी, रवि गिरी, नरेश पौडेललगायतका कलाकारको पनि मुख्य भुमिका छ ।
यो समाचार नयुज २४ नेपालबाट लिईएको हो।
