शोभित बस्नेतको निर्देशन रहेको चलचित्र ‘बद्री बहादुर’को यति बेला छायांकन भै रहेको छ ।यसै चलचित्रबाट नेपाली रजतपटमा राजिब जङ बस्नेतले नायकको रुपमा डेब्यु गर्दैछन्।
राजिब जङ बस्नेतले चलचित्र ‘बद्री बहादुरबाट रजतपटमा डेब्यु गर्न करिब छ महिना कडा मेहेनेत गरेका छन् ।चलचित्रमा आफ्नो भूमिकामा फिट हुन राजिबले कडा तयारी गरेका हुन् ।
तेक्वान्दोको ५ औं डन समेत रहेका राजिबले २०१४ मा कोरीयामा सम्पन्न तेक्वान्दोमा ४२ राष्ट्रलाई पछि पार्दै बिजेता बनेर ईन्टरनेशनल स्टार बनेका थिए । राजिबले ईन्टरनेशनल मास्टर टाईटल पनि पाएका थिए ।
सानैदेखि चलचित्रमा अभिनय गर्ने रहर बोकेका राजिबले चलचित्र क्षेत्रमा जम्नको लागि तयारीका साथ ‘बद्री बहादुर’ डेब्यु गर्न लागेका हुन् ।यति बेला उनले अभिनय गर्ने चलचित्रको छायांकन चलिरहदा निर्देशक शोभित बस्नेतले राजिब एउटा राम्रो कलाकार बन्ने पक्का भएको बताए ।
सञ्चारकर्मी रवि अधिकारीको लगानी ‘बद्री बहादुर’ ए बि पिक्चर्स फार्म र सलोन सलिना फिल्मको ब्यानरमा बन्ने छ भने यसका प्रस्तुतकर्तामा गोपाल दली र कार्यकारी निर्मातामा मिथुन भोटे रहने छन् ।
कमेडी जनराको चलचित्र ‘बद्री बहादुर’मा छुल्ठिम गुरुङ ,जय किसन बस्नेत,धिरेन शाक्य, शोभित बस्नेत ,लय संगौला ,एलिना रायमाझी,उत्तम केसी,अन्जु केसी , वर्षा चौलागाईं , पुरन थापा, राम गौतम , मनोज केसी ,उजन नेम्बाङ र मंगल भोटेको अभिनय रहने छ ।यस चलचित्रबाट राजिब जङ बस्नेत सगै एलिना गुरुङ नेपाली रजतपटमा डेब्यु गर्दैछिन्। चलचित्रमा नायिका पुजा शर्मा र सलोन बस्नेतको बिशेष भूमिका रहने छ ।
चलचित्रमा रामकाजी घिमिरेको लेखन रहेको छ भने शिब बिकको नृत्य निर्देशन रहनेछ ।
[embedded content]यो समाचार नयुज २४ नेपालबाट लिईएको हो।
