काठमाडौं । आज फेब्रुअरी १४ अर्थात् ‘भ्यालेन्टाइन डे’ संसारभर आजको दिनलाई सच्चा प्रेमको दिनको रुपमा मनाइन्छ। आजकै दिनलाई नै आधार मानेर पछिल्लो समय संसारभर धेरै साहित्य र संगीतको सिर्जना हुने गरेको छ ।
प्रणय दिवसको अवसरमा नेपालमा पनि धेरै गीतहरु सार्वजनिक भए । ती गीतहरु मध्यको एक हो ‘यो मन उड्यो चरा बनी आकाशमा भुर्र भुर्र भुर्र भुर्र बतासमा’ सशस्त्र प्रहरी बलका महानिरीक्षक एवम गीतकार शैलेन्द्र खनाल ‘शरद’को शब्द र संगीतकार गैरे सुरेशको कर्णप्रिय संगीतमा रहेको गीतको म्युजिक भिडियो ‘भ्यालेन्टाइन डे’ को पूर्व सन्ध्यामा सार्वजनिक गरिएको हो ।
शानिन्ध्य खनाल र स्मिता दाहालको सुमधुर स्वरमा रहेको गीत ‘भुर्र भुर्र’मा कोविद बज्रको संगीत संयोजन रहेको छ । यो गीतमा अन्य नेपाली लभ सङ्समा बिल्कुलै फरक शैलीको प्रस्तुति गरिएको छ ।
युवराज वाइबाको निर्देशनमा बनेको ‘भुर्र भुर्र’को म्युजिक भिडियोमा श्री पाण्डे र जितेन श्रेष्ठको अभिनय रहेको छ । उत्सव दाहालको सिनेमटोग्राफी र बिकाश दाहालको सम्पादन रहेको भिडियोलाई युट्युब च्यानलबाट सार्वजनिक गरिएको हो ।
गायक शानिन्ध्य खनाल सशस्त्र प्रहरी महानिरिक्षक शैलेन्द्र खनालका पुत्र हुन् भने गायिका स्मिता नेपाल कम्युनिष्ट पार्र्टी नेकपा’का अध्यक्ष पुष्पकमल दाहालकी नातिनी हुन्।
[embedded content]यो समाचार नयुज २४ नेपालबाट लिईएको हो।
