काठमाडौं । प्रदीप खड्का र जसिता गुरुङ अभिनित फिल्मम ‘लभ स्टेशन’को नयाँ गीत रिलिज भएको छ । फिल्ममा समावेश गरिएको ‘घाम जुन चाहिदैन’ गीतको भिडियो प्रणय दिवसको अवसरमा रिलिज गरिएको हो ।
यो फिल्म चैत २२ गतेबाट दर्शकमाझ रिलिजमा आउँदैछ । गीतको भिडियोमा प्रदीप र जसिता रोमान्टिक मुडमा देखिएका छन् ।
दीपक शर्माको शब्द सङ्गीत रहेको यो गीतमा सुगम पोखरेल र रेश्मा पुन मगरले आवज दिएका छन् । भिडियोलाई भियतनामको चर्चित लोकेशन दानाङ्ग, बाना हिल, ड्राईगन ब्रिज, हालम्बे, हानोई र इन्डोनेशियाको बालीमा छायाँकन गरिएको छ ।
प्रस्तुतकर्ता गोविन्द शाहीका अनुसार गीतको माग अनुसार नै यी सुन्दर ठाउँहरुमा भिडियोलाई छायाङकन गरिएको हो ।
उज्ज्वल घिमिरेको निर्देशनमा बनेको यो फिल्ममा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु राना लगायत कलाकारहरुको मुख्य भुमिका रहेको छ ।
फिल्मलाई काफिया शाही (क्रिसु) र कविर बिक्रम शाहीले निर्माण गरेका हुन् ।
[embedded content]यो समाचार नयुज २४ नेपालबाट लिईएको हो।
