एजेन्सी । सन् २०१२ मा क्रिकेटर विराट कोहली र अभिनेत्री तामन्ना भाटियाको अफेयरको चर्चा खुब चल्यो । यो जोडीले एक विज्ञापन फिल्ममा सँगै काम गरेका थिए । त्यसपछि झन उनीहरुको अफेयरको चर्चा चुलियो । तर उनीहरु एक–अर्काले आफ्नो अफेयरको कुरालाई स्विकार गरेनन् ।
तर केही समयको डेटपछि उनीहरु अलग्गिएका थिए । यस ब्रेकअपको कारण विराट कोहलीको ब्राजिलियन मोडेल इजाबेल (Izabelle Leite) सँगको दुरी बढ्दै गएको बताइएको छ ।
अहिले आएर फिल्मफेयरलाई दिएकी एक अन्तर्वार्तामा बाहुबली अभिनेत्री तामन्नाले विराट कोहलीसँगको आफ्नो डेटिङको बारेमा जानकारी गराएकी छन् । तामन्नाको भनाइ अनुसार उक्त विज्ञापन फिल्मको सुटिङपछि कहिल्यै विराट कोहलीलाई भेटेकी छैनन्, र कुराकानी पनि गरेकी छैनन् ।
तामन्नाले भनिन्, ‘मलाई लाग्छ, विज्ञापनको सुटिङको दौरानमा हामीले एक अर्कासँग दुई–चार शब्द बोल्यौं होला । त्यसपछि मैले कहिल्यै विराटसँग भेट गरेकी छैन, र कुरा पनि गरेकी छैन ।’
यसै अन्तर्वार्ताको दौरानमा तामन्नाले विराट कोहलीको तारिफ पनि गरिन् । उनले भनिन्, ‘मैले यो पनि भन्छु कि, अन्य कलाकारहरु भन्दा विराट निकै कुशल थिए, जोसँग हामीले काम गरेका थियौं ।’
२०१७ डिसेम्बरमा विराट कोहलीले अभिनेत्री अनुष्का शर्मासँग विहे गरिसकेका छन् । विहेपछि यो जोडीले कयौं पटक आफ्नो मायालाई प्रगाढ बनाइरहेका देख्दै आएका छौं । यो जोडी पर्फेक्ट मानिदै आएका छन् ।
अर्को तर्फ अभिनेत्री तामन्ना भाटिया भने आफ्नो फिल्मी करियरमै ब्यस्त छन् । समाचारमा आए अनुसार अमेरिकी मुलको एक फिजिसियन ब्बाईफ्रेण्डसँग २०१९ मा बिहे गर्दैछन् । तर अभिनेत्री तामन्नाले यो खबरको कुनै पनि प्रतिकृया दिएकी छैनन् ।
यो समाचार नयुज २४ नेपालबाट लिईएको हो।
