एजेन्सी । संजय लिला भान्सली र सलमान खान २० वर्षपछि एक रोमान्टिक फिल्ममा काम गर्दै छन् । फिल्मको नाम अहिलेलाई ‘हम दिल दे चुके सनम २’ रहने बताइएको छ । तर, फिल्मको औपचारिक घोषणा भने हाल सम्म गरिएको छैन ।
उक्त रोमान्टिक फिल्मको लागि सलमान खान फाइनल भइसकेका छन् भने नायिाका को रहने भन्ने फिक्स भइसकेको छैन । तर खबरका अनुसार सलमान खान आफ्नो अपोजिटमा कैटरिना कैफलाई चाहन्छन् । भन्साली भने कैटरिनालाई लिन चाहिरहेका छैनन् ।
भारतीय मिडियाका अनुसार सलमानले फिल्ममा क्याटरिनालाई लिन चाहेका छन् तर भन्साली भने बरु दीपिका पादुकोणलाई लिन चाहन्छन् । जबकि, भन्सालीले दीपिकालाई लिएर फिल्म निर्देशन गरिसकेका छन् ।
चर्चा त यो पनि छ कि, भन्सालीले यो फिल्मका लागि ऐश्वर्या राय बच्चनलाई पनि मनाउने कोशिश गरिरहेका छन् । त्यसो त फिल्मका लागि आलिया भट्ट र जाह्नवी कपूरलाई लिने कि भन्नेमा पनि छलफल भएको बताइन्छ । यो फिल्मलाई सलमान खान र भन्सालीले मिलेर निर्माण गर्नेछन् । फिल्म भने सन् २०२० मा रिलिज हुनेछ ।
यो समाचार नयुज २४ नेपालबाट लिईएको हो।
