काठमाडौं । जेनिथ ईन्टरटेनमेन्ट आयोजना रहेको ‘लिटिल मिस हेरिटेज नेपाल २०१९’को आवेदन खुल्ला भएको छ । सोमबार एक बिज्ञप्ती जारी गर्दै जेनिथ ईन्टरटेनमेन्टले प्रतियोगिताको आवेदन खुल्ला भएको जानकारी गराएको हो ।
स्कुलमा अध्ययन गर्ने छात्राहरुको क्षमता निखार्दै उनीहरुको भविश्य उज्वल बनाउने उद्देश्यले आयोजना हुदै आएको प्रतियोगितामा सिनियर तथा जुुनियर एकएक गरी विजेता छानिने छन् । भने ‘जुनियर लिटल मिस हेरिटेज’का लागि ८ देखि १३ र ‘सिनियर लिटल मिस हेरिटेज’का लागि १३ देखि १७ बर्षसम्मका छात्राहरुले आवेदन भर्न सक्नेछन् ।
‘परिबर्तनका लागि जेनिथ’ भन्ने मुल नाराका साथ कलिला मस्तिष्कहरुमा सकरात्मक विकास गराई उनिहरुको व्यक्तित्व विकास र आत्मविश्वास अभिबृद्धी गरी मिडिया, समाज र मुलुकका लागि कुशल नेतृत्वदायी व्यक्तित्व उत्पादन गर्न प्रतियोगिताका लाभदायक हुने जेनिथ ईन्टरटेनमेन्टका सिइओ बिक्रम सिङ मैनालीले बताउनुभयो ।
जेनिथ ईन्टरटेनमेन्टको फेसबुक पेज तथा संस्थाको नयाँ बानेश्वरस्थित कार्यलयबाट पनि आवेदन भर्न सकिने छ । प्रतियोगिताको पहिलो अडिसन यही चैत्र २३ गते तीनकुनेस्थित मण्डला ब्याङ्क्वेटमा आयोजना हुने आयोजकले बताएका छन् ।
अडिसनबाट छानिएका प्रतियोगितले अन्तिम प्रतिस्पर्धाका लागि कलाकार, मोडेल, चर्चित ब्यक्तिबाट बिभिन्न प्रशिक्षण दिने छ ।
मिस हेरिटेज नेपालका दुबै शिर्ष बिजेताले आकर्षक नगद पुरस्कार, म्युजिक भिडियो तथा अध्यायनका लागि बिभिन्न छात्रवृत्तिको साथ नेपालको प्रतिनिधित्व गर्दै अन्तराष्ट्रिय सौन्दर्य प्रतियोगितामा सहभागी हुने अवसर प्राप्त गर्नेछन् ।
यो समाचार नयुज २४ नेपालबाट लिईएको हो।
