काठमाडौं । निर्देशक सञ्जय लीला भंसालीको ड्रिम प्रोजेक्ट फिल्म ‘इंशा अल्लाह’मा सलमान खान मुख्य भूमिकामा देखिदै छन् । यस फिल्म सलमान खानको अपोजिट भूमिकामा अभिनेत्री आलिया भाट हुनेछन् । सलमानले सन् १९८८ मा ‘बीबी हो तो ऐसी’ फिल्मबाट बलिउडमा डेब्यु गरेका थिए । यो फिल्म रिलिज भएको चार वर्षपछि मात्र अभिनेत्री आलिया भाटको जन्म भएको थियो ।
आउनुहोस् जानौं– सलमानको डेब्युको दौरानमा कुन–कुन अभिनेत्रीहरुको उमेर के–कति थियो ? जसले सलमान खानसँग काम गरे ?
ज्याकलीन फर्नाण्डेजः अभिनेत्री ज्याकलीन फर्नाण्डेज र अभिनेता सलमान खानले ‘किक’ र ‘रेस–३’ जस्ता फिल्ममा सँगै काम गरिसकेका छन् । सलमानले पहिलो पटक ‘बीबी हो तो ऐसी’बाट बलिउडमा डेब्यु गर्दै गर्दा ज्याकलीन ३ वर्ष ११ महीनाको थिइन् ।
दिशा पटानीः अलि अब्बास जफरको निर्देशनमा बनिरहेको फिल्म ‘भारत’मा सलमान र दिशा पटानी मुख्य भूमिकामा देखिदै छन् । सलमानको फिल्म ‘बीबी हो तो ऐसी’ रिलिज भएको चार वर्ष पछि मात्र अभिनेत्री दिशा पटानीको जन्म भएको थियो ।
क्याट्रिना कैफः अभिनेत्री क्याट्रिना कैफ र सलमान खानले एक था टाइगर लगाएतका फिल्ममा सँगै काम गरिसकेका छन् । सलमानले ‘बीबी हो तो ऐसी’बाट फिल्मी करियर सुरु गरिरहँदा अभिनेत्री क्याट्रिना कैफ भने मात्र पाँच वर्षकी थिइन् ।
सोनम कपूरः सलमान खान र अभिनेत्री सोनम कपूरले ‘प्रेम रतन धन पायो’ फिल्ममा सँगै काम गरिसकेका छन् । १९८८ मा सलमानले बलिउड करियर सुरु गरिरहँदा सोनम कपूर तीन वर्षकी थिइन् ।
अनुष्का शर्माः फिल्म सुल्तानमा अभिनेत्री अनुष्का शर्मा र सलमानको लभ इन्टरेष्टको रुपमा देखिएका थिए । सलमानले बलिउड करियर सुरु गर्दैगर्दा अभिनेत्री अनुष्का शर्माको तीन वर्षकी थिइन् ।
करिना कपूरः सलमान खान र अभिनेत्री करिना कपूरले फिल्म बडीगार्ड, बजरंगी भाइजानमा काम गरिसकेका छन् । बलिउडमा सलमानले डेब्यु गर्दै गर्दा करिना ७ वर्ष ११ महीनाको थिइन् ।
प्रियंका चोपडाः सलमान र प्रियंका चोपडाले फिल्म ‘ए इश्क’ र ‘मुझ्से सादी करोगी’ लगाएत फिल्ममा सँगै काम गरिसकेका छन् । १९८८ मा सलमानले डेब्यु गरेको समयमा प्रियंका ६ वर्षकी थिइन् ।
यो समाचार नयुज २४ नेपालबाट लिईएको हो।
