काठमाडौं । ‘लप्पन छप्पन–२’ निर्माणको घोषणा गरिएको छ । निर्देशक मुकुन्द भट्टले सोसल मिडिया फेसबुकमा ‘लप्पन छप्पन–२’को पोष्टर सार्वजनिक गर्दै निर्माणको औपचारिक घोषणा गरेका हुन् । निर्देशक भट्टले फिल्मको पोष्टरसँगै कलाकारहरु पनि सार्वजनिक गरेका छन् ।
यो फिल्ममा ‘लप्पन छप्पन’ कै अधिकांश कलाकारहरु दोहोरिने भएका छन् । जहाँ अभिनेता दयाहाङ राई, सौगात मल्ल, अर्पन थापा, अनुप विक्रम शाही, क्यारोलिन कोलिण्डा, सुरवीना कार्की लगाएत कलाकरहरुको मुख्य भूमिकारहनेछ ।
यो फिल्मलाई अष्ट्रेलिया र युरोपका विभिन्न देशहरुमा छायाङ्कन गरिनेछ । जानकारी अनुसार यो फिल्मलाई जेठको पहिलो साताबाट छायाङ्कन गरिनेछ । फिल्मलाई चिज कुमार श्रेष्ठ प्राजपति शिवाकोटीले निर्माण गर्दैछन् । फिल्मको कार्यकारी निर्माताको रुपमाप्रकाश कुँवर र निर्मल कुमार मिश्र रहेका छन् ।
यो समाचार नयुज २४ नेपालबाट लिईएको हो।
