- दीपक उपाध्याय,
कैलाली । कैलाली उद्योग बाणिज्य संघले दोस्रो नेपाल आइडल रवि ओडलाई आइतबार आफ्नै कार्यकक्षमा सम्मान गरेको छ । सुदूरपश्चिम महोत्सव २०७५ को अवसरमा नव प्रतिभा सम्मानद्वारा सम्मानित रवि ओड उक्त अवसरमा उपस्थित हुन नसकेपछि आज सम्मान गरिएको संघका अध्यक्ष पुष्पराज कुँवरले जानकारी दिए ।
अध्यक्ष कुँवरले आगामी दिनमा प्रत्येक वर्ष आयोजना हुने सुदूरपश्चिम महोत्सवमा सुदुरपश्चिममा रहेका प्रतिभाहरुलाई प्रोत्साहन स्वरुप सम्मान गर्दै लैजाने संघको उद्देश्य रहेको बताए ।
सम्मानित भएपछि नेपाल आइडल रवि ओडले संघलाई धन्यबाद दिदै सम्मानित हुन आफूलाई गर्व लागेको बताए । उनले सम्मानले झन जिम्मेवारी थपिएको महशुस गरेको बताए ।
सम्मान कार्यक्रममा संघका वरिष्ठ उपाध्यक्ष पुष्कर ओझा, महासचिव ओम विष्ट लगायतको उपस्थिति रहेको थियो ।
यो समाचार नयुज २४ नेपालबाट लिईएको हो।
